အသဲလေးတွေနဲ့ဆောက်ထားတဲ့အိမ်

ညဟာနှင်းဖြူဖြူဝတ်ရုံဖြင့်စိုလဲ့နေသည်
အရပ်ရှစ်ခွင်လုံးက
ဇာပုဝါအဖြူပါးပါးလေးတစ်ထည်
လွှမ်းခြုံထားသည့်အလား
ထင်မှတ်မှားရလောက်အောင်
ကြည့်လေမြင်လေရာတိုင်း
နှင်းတွေချည်းအုပ်နှင့်သင်းနှင့်မင်းမူနေကြတာ
မသိရင်တော့ ဒီဇင်ဘာဆိုတာ
ဒီကမ္ဘာပေါ်မှာ
ဘယ်တုန်းကမှမရှိခဲ့ဖူးသလိုပုံစံနှင့်
ထုံအီသောပန်းရနံ့တချို့လည်း
တသုန်သုန်ဖြူးနေသည့်ညည့်လေညှင်းနဲ့အတူတူ
အေးစိမ့်စိမ့်လေထုတွေထဲတွဲခိုကပ်ပါလျှက်
ညဟာချမ်းလွန်းလှသဖြင့်
ငါ့မှာတော့အိပ်လို့လည်းမပျော်နိုင်
ဟူးးးးးးးးးးးးးး
စိတ်ပျက်လက်ပျက်ဖြင့်ကောင်းကင်ကို
ငါ့မော့ကြည့်မိတော့
ခပ်ဝါးဝါးသာနေသည့်လမင်းကြီးက
“သူနဲ့မဆိုင်သလိုလို”သဘောမျိုးနဲ့
ငါ့ကိုပခုံးနှစ်ဖက်ပြန်တွန့်ပြသွားခဲ့တယ်...

အဆုံးစမဲ့ချစ်ခြင်းတွေက
ဒီဇင်ဘာရဲ့ နှင်းငွေ့တွေနဲ့အတူတူ
ငါ့ရဲ့အနမ်းတွေက
မင်းဆီပျံသန်းလာနေပြီးချစ်သူ
အဲဒီအနမ်းတွေကို
ဖမ်းဆုတ်လိုက်
ရင်ခွင်လေးမှာသိမ်းထားလိုက်
ဘာလို့ဆို ငါမင်းအနား
အမြဲတမ်းရှိနေတယ်ဆိုတာ
နင်မမေ့လိုက်ပါနဲ့ချစ်သူ

ဒီနေ့တစ်နေ့လုံးငါ့ကောင်းကင်မှာ
မိုးသာတွေအုပ်ဆိုင်းလို့
တိမ်တွေကလည်းတရွှေ့ရွှေ့နဲ့
တိမ်တွေကရောဘာလို့ လွင့်မျောရင်း
မိုးစက်တွေအဖြစ် ကြွေဆင်းရတာလဲ
ဒီကမ္ဘာကြီးပေါ်မှာ
ငါ့ကိုယ်ငါအတွက် ဘာကိုမှ
တခုတ်တရ နဲ့မမျှော်လင့်ထားပါဘူး
တိမ်တွေကိုကျော်ဖြတ်ပျံသန်းချင်ခဲ့ပေမယ့်
ငါ့မှာ အတောင်ပံတွေလည်းမရှိခဲ့
ညရဲ့ကောင်းကင်ယံထက်က
ကြယ်တွေကတော့
ဟိုးအဝေးတနေရာကနေ
ငါ့ကို ညှို့ငင်ဆွဲဆောင်လို့ ကောင်းနေဆဲပေါ့
ဒီအချိန်မှာငါ့ခန္ခာကိုယ်မှာ
ပြင်းပြတဲ့ စိတ်ဆန္ဒနဲ့ ရည်မှန်းချက်
ငါ့လက်ထဲမှာ ရှိနေပေမယ့်
ကြယ်တွေဆီကို ရောက်ဖို့တော့
သိပ်ကို ခက်ခဲလွန်းနေပါလား
တချက်တည်းနဲ့သူ့ဆီ ရောက်အောင်သွားနိုင်ဖို့
ငါ့မှာအင်အားရှိပါ့မလားဆိုတာ
ငါလည်းမသိခဲ့မိဘူး
ဒါပေမယ့် ငါ့ရဲ့ခရီးအတွတ်
အဆင်သင့်ဖြစ်တဲ့အချိန်အထိ
အချိန်တစ်ခုကိုငါစောင့်ရမယ်
ငါ့ရဲ့အိမ်မက် မျှော်လင့်ချက်တွေတွတ်
ကျေးဇူးပြုပြီး ငါ့ကိုလမ်းပြပေးလှည့်ပါ
ငါ့ကြယ်လေးရယ်.........

အချစ်ကိုစစ်မစစ်သိဖို့က
ဓါတ်ခွဲခန်းသွားဖို့လည်းမလိုဘူး
ဘာလို့လည်းနင်သိလား
နင့်ရဲ့သံသယတွေကိုသာ
စိတ်ရှိလက်ရှိရေဆေးချလိုက်ပါ
နင်မြင်တွေ့လိမ့်မယ်
ငါ့ရဲ့ရင်ဘတ်ဟောင်းလောင်းကြီးပွင့်လို့
အတွင်းမှာနံရိုးပျောက်ရှာနေတဲ့
ရင်ခုန်သံရထားတစင်းစည်းချက်မညီစွာနဲ့
နင်တွေ့လိမ့်မယ်
အီကွေးရှင်းလေး ဘယ်ညာညီဖို့အရေး
ဖြုတ်ထုတ်ရှင်းနဲ့ အတင်းလိုက်လိုက်ညှိတတ်တဲ့
နင့်ရဲ့အကျင့်
ငါသာနင့်နေရာမှာဆိုရင်တော့
အရာရာကို ရင်ဘတ်နဲ့ကြည့်မိမှာပဲ
ရေဟာ H တွေ O တွေရဲ့ အရောအနှောဆိုရင်
အချစ်မှာကျတော့ရော ???
အ၀ိဇ္ဇာ နဲ့ တဏှာ ပေါပေါလောလော… တဲ့ ???
ဟားဟားဟား .....ငါ့ကိုနင်က
လှောင်ပြုံးလေးနဲ့ ခပ်သောသောရယ်မောလို့...
ပညာခန်းတွေအဲလောက်ထိပြစရာမလိုဘူးငါ့ကို
နင်သာခေါင်းတစ်ချက်သာယမ်းလှည့်
ကိုယ့်ဇလီဖားတုံးကိုယ်ထမ်းလို့
လာရာလမ်းကို မြန်းမယ့်ကောင်ပါ
နောင်တဆိုတာငါ့ဘဝမှာ ယောင်လို့တောင်
မရှိစေရဘူး နင်စိတ်ချလိုက်
ငါ့မှာသာ တန်ခိုးရှိရင်လေ
ရာဘင်နတ်တဂိုးနဲ့ပေးတွေ့မှာအမှန်ပဲနင့်ကို
သူပြောတဲ့ အချစ်ကို ဓါတ်ခွဲပြီးတဲ့နောက်
ပါဝင်ပစ္စည်းစာရင်းနဲ့တကွ
နင့်ဆီကိုဆက်သလို့
ညှီနံ့ကင်းတဲ့ ငါ့ရဲ့ချဉ်ခြင်းတပ်မှုကို
နင်…...ဟာ
ကြိုက်သလိုသာ ခေါင်းစဉ်တပ်လိုက်ပါတော့
ငါဘာမှမပြောလိုတော့ပါဘူးနင့်ကို......